શહેરમાં અવારનવાર અનેક લુંટના બનાવો સામે આવતા રહે છે. ત્યારે શહેરના સચિન GIDC વિસ્તારમાં ATM માં લુંટનો બનાવ સામે આવ્યો છે. સમગ્ર લુંટનો બનાવ CCTV કેમેરામાં કેદ થઇ જવા પામ્યો છે. હાલમાં તો આ અંગે પોલીસ દ્વારા વધુ તપાસ હાથ ધરવામાં આવી છે.
મળતી માહિતી અનુસાર, સચિન GIDC વિસ્તારમાં ATM માં લુંટનો બનાવ બનતા લોકોમાં ભયનો માહોલ પેદા થઇ ગયો છે. વિડીયોમાં જોઈ શકાય છે કે, ત્રણ ઈસમો ATM ની અંદર આવે છે ATM માં રૂપિયા નાખી રહેલ યુવક પાસેથી લાખો રૂપિયાની લુંટ ચલાવી ફરાર થઇ જાય છે.
વિડીયોમાં સ્પષ્ટ પણે દેખાઈ રહ્યું છે કે, ત્રણ ઈસમો પૈકી એક ઇસમ છરો બતાવીને લુંટ ચલાવી રહ્યો છે અને ATM માં રૂપિયા નાખતા યુવકની પાસે રહેલ બેગ, રૂપિયા અને મોબાઈલ ફોન લઈને ત્યાંથી ફરાર થઇ જાય છે. હાલમાં તો આ સમગ્ર ઘટના સીસીટીવી માં કેદ થઇ ગઈ છે અને સમગ્ર મામલે સચિન GIDC પોલીસ ઘટના સ્થળે પહોચી હતી અને આગળની કાર્યવાહી હાથ ધરવામાં આવી હતી.
