અંકલેશ્વરના ભાટવાડ ખાતેથી 10 કિલો ગાંજાના જથ્થા સાથે એક શખ્સને ઝડપી પાડતી ભરૂચ એસ.ઓ.જી

અંકલેશ્વરના ગુજરાત હાઉસિંગ રોડ ભાટવાડ ખાતેથી 10 કિલો ગાંજાના જથ્થા સાથે એક શખસને ભરૂચ એસઓજીની ટીમે ઝડપી પાડયો છે.

પ્રાપ્ત વિગતો અનુસાર ભરૂચ એસ.ઓ.જી ની ટીમ ગઈકાલે ચાર્ટર મુજબની કામગીરી અર્થે પેટ્રોલિંગમાં હતી તે દરમિયાન બાતમી મળેલ છે એક શખ્સ દ્વારા પોતાના કબજા ભોગવટાના રહેણાક મકાનમાં ગાંજાનો જથ્થો રાખેલ હોય જે જગ્યાએ પોલીસે રેડ પાડતા મોહમ્મદ સોયેબ અબ્દુલ ગની શેખ ફ્લેટ નંબર ૩૦૯ જુનેદ કોમ્પ્લેક્સ ભાટવાડ ગુજરાત હાઉસિંગ રોડ અંકલેશ્વર ખાતેથી આરોપી સાથે ૧૦ કિલો ૧૦૬ ગ્રામ ગાંજાના જથ્થા સાથે મોબાઈલ સહિતની ચીજવસ્તુઓ કિંમત રૂ. 1,06,360 ના મુદ્દામાલ સાથે એસ.ઓ.જી પોલીસે ઝડપી પાડેલ છે આરોપીને એનડીપીએસ એક્ટ મુજબ અને આગળની તપાસ અર્થે અંકલેશ્વર ખાતે મોકલી આપેલ છે