રાજકોટમાં ગતરાત્રીના એક પૂરપાટ ઝડપે આવતી કારે બાઈકને જોરદાર ટક્કર મારતા બાઈક 15 ફૂટ જેટલી ઢસડાતા બે યુવકને ગંભીર ઇજા પહોંચતા તે ઘટના સ્થળે જ મૃત્યુ પામ્યા હતા. રાજકોટના ગોંડલ રોડ પર ગત રાત્રીને હિટ એન્ડ રનની ઘટના બની હતી. આ ઘટનામાં બે યુવકો સંતોષ અને સુનીલના મોત થયા હતા.
રાજકોટમાં આ પ્રથમ વખત નથી આ પહેલા પણ અનેક હિટ એન્ડ રનના બનાવ બન્યા હતા. આ જીવલેણ અકસ્માતમાં મૃત્યુ પામેલા સુનીલ બે ભાઇમાં મોટો હતો અને હજુ ત્રણ મહિના પહેલા જ તેમના લગ્ન થયા હતા. સુનીલનું મોત થતા તેમની પત્ની અને પરિવાર પર જાણે આફત આવી હોય તેવું વાતાવરણ સર્જાયું હતું.
આ અકસ્માતમાં મૃત્યુ પામનાર બીજો યુવક સંતોષ ત્રણ ભાઇમાં નાનો હતો અને મોટા ભાઈ સાથે જ રજુ પાઉંભાજીની દુકાને કામ કરતો હતો. આ બન્નેના મોતથી પરિવારમાં શોક છવાયો હતો. આ અકસ્માત સર્જી કારમાં બેઠેલા ત્રણ શખ્સો કારને મૂકીને ફરાર થઇ ગયા હતા તેમજ અકસ્માતમાં ઘવાયેલા બંને યુવકો લોહીલુહાણ હાલતમાં ઘટના સ્થળે જ પડ્યા હોય તેમને તાત્કાલિક સિવિલ હોસ્પિટલમાં ખસેડવામાં આવ્યા હતા જ્યાં તાબીબે મૃત જાહેર કર્યા હતા.
