કપડવંજ તાલુકાના આબવેલ ગામમાં સાસરીમાં તહેવારોની રજામાં તેમની 6 મહિનાની બાળકી રમાડવા માટે સંજયભાઈ ગયા હતા. તેમજ તેમની પત્ની બિમાર હોવાથી તેમના ખબર અંતર કાઢી દવાની સારવાર કરી આજરોજ સવારે તેમના વતન ભૂંગળીયા ગામ આવતી વખતે આ અકસ્માત થયો હતો.
આજે ભૂંગળીયા ગામના સંજયભાઈ ઉ. વર્ષ 23 સવારે આબવેલ ગામથી આવતા ભૂંગળીયા પાટીયા પાસે બાઇક અને એસ.ટી. બસ બસ વચ્ચે અકસ્માત થતાં તેમનું મોત થયું હતું. તેમના લગ્નના ત્રણ વર્ષ થયા હતા અને ત્રણ વર્ષ પછી ભગવાને એક બાળકી આપી છે, જે 6 મહિનાની છે.
આ દુઃખદ સમાચારથી સમગ્ર ગામમાં અને ઘેરા શોકની લાગણી પ્રસરી જવા પામી છે. આ સમગ્ર ઘટનાની કપડવંજ રૂરલ પોલીસ દ્વારા તપાસ હાથ ધરાઈ છે.
Advertisement
નરેશ ગનવાણી : નડિયાદ
