નડિયાદ તાલુકાના જુના બિલોદરા ગામે રહેતા 65 વર્ષિય કાનજીભાઈ શકરાભાઈ સોઢા પોતાનુ મોટરસાયકલ ઉપર વહેલી સવારે પોતાના ઘરેથી નીકળ્યા હતા. તેઓ સામાજિક પ્રસંગે જવા નીકળ્યા હતાં. આ દરમિયાન નડિયાદ નજીક રોડ ઉપર બિલોદરા ગામની સીમમાં કોઈ અજાણ્યા વાહને તેમના મોટરસાયકલને ટક્કર મારી ફરાર થઈ ગયો હતો. આથી ગંભીર રીતે ગવાયેલા કાનજીભાઈ સોઢાને સ્થાનિકોએ તુરંત નડિયાદની સિવિલ હોસ્પિટલમાં ખસેડ્યા હતા. જોકે સારવાર મળે તે પહેલા જ કાનજીભાઈનુ કરૂણ મોત નિપજયું હતું. આ સમગ્ર મામલે મૃતકના કૌટુંબિક ભત્રિજા રાહુલભાઈ સોઢાએ નડિયાદ ગ્રામ્ય પોલીસમા અજાણ્યા વાહન ચાલક સામે ફરિયાદ નોંધાવી છે.
નરેશ ગનવાણી : નડિયાદ
Advertisement
