ભાજપે પોતાના ઉમેદવારોની પ્રથમ યાદી સત્તાવાર રીતે બહાર પાડી દીધી છે. ખેડા જિલ્લાની ૬ વિધાનસભા પૈકી ૫ વિધાનસભાની બેઠકો માટેના ઉમેદવારોની પસંદગી થઈ ચૂકી છે. ત્યારે તેમના સમર્થકોમા ખુશીની લાગણી ઉઠી છે. સૌ સમર્થકો ફટાકડા ફોડી ચૂંટણીની જીત મેળવવા લાગી ચૂકયા છે. ભાજપે આજે જે પ્રથમ યાદી બહાર પાડી છે તેમાં જિલ્લાની ૧૧૫ માતર બેઠક પરથી કલ્પેશભાઈ આશાભાઈ પરમાર, ૧૧૬ નડિયાદ વિધાનસભા બેઠક પરથી પંકજભાઈ વિનુભાઈ દેસાઈ, ૧૧૮ મહુધા વિધાનસભા બેઠક પરથી સંજયસિંહ વિજયસિઁહ મહીડા, ૧૧૯ ઠાસરા વિધાનસભા બેઠક પરથી યોગેન્દ્રસિંહ રામસિંહ પરમાર અને ૧૨૦ કપડવંજ વિધાનસભા બેઠક પરથી રાજેશભાઈ મગનભાઈ ઝાલાની પસંદગી થઈ છે. ફક્ત મહેમદાવાદ વિધાનસભા બેઠકના ઉમેદવાર જાહેર કરવાના બાકી છે.
નરેશ ગનવાણી : નડિયાદ
Advertisement
