દહેજ ખાતે રાયોટિંગ તથા બાઇક ચોરીના ગુનાના રીઢા આરોપીને મુદ્દામાલ સાથે ઝડપી પાડતી ક્રાઇમ બ્રાંચ

ભરૂચ જિલ્લાના દહેજ ખાતેના ફળિયા ખાતે રહેતો કિરણ રાઠોડ નામનો ઈસમ નંબર પ્લેટ વગરની બાઇક લઈને ફરતો હોય અને આંબેડકર ચોક પાસે તે બેઠો હોવાની બાતમી ક્રાઇમ બ્રાંચને મળતા ક્રાઇમ બ્રાંચના કર્મીઓએ આંબેડકર ચોક પાસે બાઇક પર બેસેલ ઈસમ પાસે પહોંચી જઇ તેને ઝડપી પાડ્યો હતો.

ઝડપાયેલ ઇસમની ક્રાઇમ બ્રાંચે પૂછપરછ કરતા તેણે આ બાઇક નવીન ફ્લોરિન એડવાન્સ સાયન્સ લિમિટેડ કંપનીના ગેટ બહારથી બાઇક ચોરી કરેલ હોવાની કબૂલાત કર્યાનું જણાઇ આવતા તેની સામે ગુનો દાખલ કરી તેની ધરપકડ કરી કાયદેસરની કાર્યવાહી હાથધરી છે.