એસ.એસ રાજામૌલીની ફિલ્મ RRR નવા રેકોર્ડ સર્જી રહી છે. આ ફિલ્મના સોંગ ‘નાટુ નાટુ’એ ગોલ્ડન ગ્લોબ એવોર્ડમાં બેસ્ટ ઓરિઝનલ સોંગનો એવોર્ડ મેળવ્યો હતો. તે પછી આ સોંગ ઓસ્કાર માટે પણ નોમિનેટ થયો છે. આવી સ્થિતિમાં ફિલ્મના નિર્દેશક એસ.એસ રાજામૌલી અને એક્ટર રામ ચરણ આ એવોર્ડની તૈયારીમાં લાગી ગયા છે. હાલમાં જ બંને અમેરિકા જવા રવાના થયા હતા, જ્યાં બંને ફિલ્મનું જોરદાર પ્રમોશન કરી રહ્યા છે. હવે આ એવોર્ડને લઈને એક નવું અપડેટ આવી રહ્યું છે. અટકળો છે કે રાહુલ સિપલીગંજ અને કાલ ભૈરવ ઓસ્કારમાં પરફોર્મ કરતા જોવા મળશે.
લોસ એન્જેલસમાં 12 માર્ચના રોજ યોજાનાર ઓસ્કાર-2023 માં સિંગર્સ રાહુલ સિપલીગંજ અને કાલ ભૈરવ આ સોંગ પર લાઇવ પરફોર્મ કરશે. આ બંને સિંગર્સે જ આ ગીત ગાયું છે અને હવે તે આ ગીત એન્જેલિસના ડોલ્બી થિયેટરમાં લાઈવ પરફોર્મ કરશે. આ સોંગની ટક્કર બેસ્ટ ઓરિઝનલ સોંગની કેટેગરીમાં રિહાના, લેડી ગાગા, મિત્સ્કી, ડેવિડ બાયર્ન અને ડિયાન વોરેન સાથે થશે.
