ભરૂચ નબીપુર નજીક દૂધ ભરેલા ટેન્કરને અકસ્માત નડતા 3 લોકો ઇજાગ્રસ્ત

ભરૂચ જિલ્લામાંથી પસાર થતા ને.હા.48 ઉપર અવાર નવાર અકસ્માતની ઘટનાઓ સામે આવતી હોય છે આવી જ એક ઘટના ગઇરાત્રે ભરૂચથી ટેન્કર નં. GJ 02 AT 6496 દૂધ ભરીને ગાંધીનગર જઈ રહ્યું હતું જે દરમ્યાન ને.હા.48 પર નબીપુર ખાતે ઝનોર ચોકડી ઓવર બ્રિજ ઉતરતા ટેન્કર બ્રેક ડાઉન થતાં હાઇવે ઉપર પહેલી ટ્રેક પર ઉભુ રાખી તેમાં સમારકામ ચાલી રહ્યું હતું. તે વેળા પાછળથી એક ટ્રક નં. MH 14 KA 5245 ઉભેલા ટેન્કરમાં ધડાકાભેર અથડાતા ટેન્કરના ક્લીનર અને મિકેનિક સહિત ત્રણ વ્યક્તિઓને ઇજાઓ પહોંચી હતી. ટ્રક ટેન્કરના પાછળના ભાગે અથડાતા ટેન્કરનો પાછળના વાલ્વ સહિત લાઈનમાં નુકશાન થતા રોડ પર જાણે કે દૂધની નદી વહેવા લાગી હતી. જેને પગલે રોડ પર ટ્રાફિકની સમસ્યા ઉદભવી હતી. આ અકસ્માત અંગે સ્થાનિક પોલીસને જાણ કરાતા તેઓએ ઇજાગ્રસ્તોને ભરૂચ સિવિલ હોસ્પિટલ ખાતે ખસેડવાની તજવીજ હાથ ધરી હતી. પોલીસ દ્વારા ટ્રાફિકને હળવો કરાયો હતો.

યાકુબ પટેલ, પાલેજ