ભરૂચ જિલ્લાના પાલેજ સ્થિત રાજા નગરમાં રહેતા વ્હોરા પટેલ પરિવારની માત્ર સાડા ચાર વર્ષની દીકરીએ જીવનનો પ્રથમ રોઝો રાખી અલ્લાહની બંદગી કરી હતી. હાલ મુસ્લિમ સમાજનો અતિ મહત્વપૂર્ણ પવિત્ર રમઝાન માસ તેના અંતિમ ચરણમાં પહોંચી ગયો છે. ત્યારે મુસ્લિમ સમાજના લોકો પોતાના રબને રાજી રાખવા રોઝા સાથે ઈબાદત કરી રહ્યા છે.
ત્યારે માસૂમ બાળકો પણ પોતાના પરિવારના વડીલોને અનુસરી રોઝા રાખવા પ્રેરણાદાયી બન્યા છે. રાજા નગરમાં રહેતા વ્હોરા પટેલ સમાજ પરિવારની ફાતિમા નામની સાડા ચાર વર્ષની બાળાએ ધોમધખતા તાપની પરવા કર્યા વિના રોઝો રાખી અન્યો માટે પ્રેરણાદાયી બની છે. આખો દિવસ ભૂખ્યા તરસ્યા રહી ફાતિમા આકરી કસોટીમાંથી સુખરૂપ પસાર થઈ અલ્લાહની બંદગી કરી અલ્લાહનો આભાર વ્યક્ત કર્યો હતો અને ધન્યતા અનુભવી હતી. સાથે સાથે ફાતિમા અન્યો માટે પ્રેરણાદાયી પણ બની હતી.
Advertisement
યાકુબ પટેલ, પાલેજ
