મામા ફળિયામાં કાચા ઘરમાં રહેતા એક ગરીબ પરિવારનો પુત્ર હમજા સિરાજ મુલતાની નામનો બાળક ઘરમાં રમી રહ્યો હતો આ સમયે ઉંદરે પાડેલ દરમાં બાળકે હાથ નાખતા દરમાં છુપાયેલા ઝેરી સાપે બાળકને હાથ ઉપર ત્રણ ડંખ માર્યા હતા જેથી પરિવારજનો તાત્કાલિક તેને ઝંખવાવની રેફરલ હોસ્પિટલ ખાતે લઈ ગયા હતા પરંતુ બાળકની સ્થિતિ ગંભીર હોવાથી ડોક્ટરોએ આગળ ખસેડવાની સલાહ આપી હતી. આ દરમિયાન બાળકને વધુ પડતા ઝેરની અસર થતા કરુણ મોત નીપજ્યું હતું. આ ઘટના બનતા ગરીબ પરિવારના માથે મુશ્કેલીનું આભ તૂટી પડ્યા જેવી સ્થિતિનું નિર્માણ થયું હતું. માતા પિતાનો એકનો એક લાડકવાયો છીનવાઈ જતા સમગ્ર પરિવાર શોકમાં ગરકાવ થયો હતો.
વિનોદ મૈસૂરિયા : વાંકલ
Advertisement
