અંકલેશ્વર એ ડિવિઝન પોલીસે ગુડસ ટ્રેન પ્રોજેક્ટના ઈલેકટ્રીક વીજ લાઈન ટાવરમાંથી ગેલ્વેનાઈઝ લોખંડના નટ બોલ્ટ ચોરીના મુદ્દામાલ સાથે ગેંગને ઝડપી પાડી

અંકલેશ્વર એ ડિવિઝન પોલીસ મથકના કર્મીઓ પેટ્રોલિંગમાં હતા દરમ્યાન બાતમી મળી હતી કે જુનાદિવા ગામની સિમના જુના દિવાથી ખાલપિયા ગામ તરફ જવાનાં રોડ ઉપર આવેલ ગાય વસીયા વાગમાં આવેલ ખાડી પાસેની બાવળની ઝાડીમાં ચારેક ઈસમો નટ બોલ્ટ ભરેલ બોરીઓ સગેવગે કરવાની તૈયારી કરે છે, જે બાતમીના આધારે જગ્યા ઉપર જઈ પોલીસના કર્મીઓએ તપાસ હાથધરી હતી.

જે દરમ્યાન કુલ ચાર જેટલાં આરોપીઓ (1) લક્ષ્મણભાઇ જસવંતભાઈ વસાવા રહે, ખાલપિયા અંકલેશ્વર (2) વિશાલભાઈ રેવાદાસ વસાવા રહે, ખાલપિયા અંકલેશ્વર (3) અનિલભાઈ સોમાભાઈ વસાવા રહે, ખાલપિયા અંકલેશ્વર (4) સ્વપ્નિલભાઈ રાજેશભાઈ વસાવા રહે. ખાલપિયા અંકલેશ્વર નાઓને ચોરીના નટ બોલ્ટ સહિત મોબાઈલ ફોન મળી કુલ 70 હજારના મુદ્દામાલ સાથે ઝડપી પાડી તમામ સામે કાયદેસરની કાર્યવાહી હાથધરી છે.