વડોદરા જિલ્લાના કરજણ નગરના જલારામ નગર વિસ્તારમાં આવેલા એક ઘાસચારાના ગોડાઉનમાં ગતરોજ સાંજે ચાર કલાકે અચાનક આગ ભભુકી ઉઠતા અફરાતફરી સાથે દોડધામ મચી જવા પામી હતી. આગના પગલે કાળા ધુમાડાના ગોટેગોટા ઉંચે આકાશ તરફ જતા નજરે પડ્યા હતા. ઘટનાની જાણ કરજણ ફાયર વિભાગને થતા ફાયર કર્મીઓ ફાયર ટેન્કર સાથે ઘટના સ્થળે પહોંચી ગયા હતા.
ફાયર કર્મીઓએ આગ પર પાણીનો મારો ચલાવી ગોડાઉનના ઉપરના ભાગે આવેલા રહેણાંક મકાન સુધી આગ પહોચતી અટકાવી હતી. ઘરવખરીનું નુકસાન થતું બચાવ્યું હતું. સદનસીબે કોઈ જાનહાની ન સર્જાતા લોકોએ હાશકારો અનુભવ્યો હતો. લાગેલી આગમાં અંદાજિત રૂપિયા બે લાખના ઘાસચારાનું નુકસાન થયું હોવાનું જાણવા મળ્યું હતું.
Advertisement
