માંગરોળ તાલુકાના ઝંખવાવ ગામના પોસ્ટ માસ્ટરની બદલી થતાં વિદાય સમારંભ યોજાયો

માંગરોળ તાલુકાના ઝંખવાવ ગામે આવેલ સબ પોસ્ટ ઓફિસમાં પોસ્ટ માસ્ટર તરીકે ફરજ બજાવતા અશ્વિનભાઈ વસાવાની બદલી થતાં વિદાય સમારંભ યોજાયો હતો.

છેલ્લા ત્રણ વર્ષથી તેઓ પોસ્ટ માસ્ટર તરીકે ફરજ બજાવતા હતા અને આ દરમિયાન સરકારની વિવિધ યોજનાઓ સુકન્યા સમૃદ્ધિ યોજના, પબ્લિક પ્રોવિડન્ટ ફંડ, ઇન્ડિયા પોસ્ટ પેમેન્ટ બેંક, તેમજ પોસ્ટ વિભાગની વિવિધ સ્કીમોને લોકો સુધી પહોંચાડવાની પ્રશંસનીય કામગીરી કરી હતી. આ કામગીરીને સ્થાનિકોએ બિરદાવી અભિનંદન આપ્યા હતા જ્યારે તેમના સ્થાને નવા પોસ્ટ માસ્ટર તરીકે આવેલા આશાબેન ચૌધરીનું સ્વાગત કરાયું હતું. કાર્યક્રમનું સંચાલન બી કે વસાવા દ્વારા કરવામાં આવ્યું હતું.