વડોદરા ડેરીના નવા પ્રમુખ સતીષ પટેલને બનાવવામાં આવ્યા છે જ્યારે જીબી સોલંકીની ઉપપ્રમુખ તરીકે વરણી કરવામાં આવી હતી. ગત 26 જૂનના રોજ ચૂંટણી યોજાવાની હતી પરંતુ ચૂંટણી અધિકારીની ગેરહાજરીના કારણે એ સમયે ચૂંટણી થઈ શકી નહોતી ત્યારે આજે બન્નેની વરણી કરવામાં આવી છે.
વડોદરા ડેરીના પ્રમુખ અને ઉપપ્રમુખની આજે વરણી કરવામાં આવી છે. અગાઉ વડોદરા ડેરી મામલે ધારાસભ્યો અને ડેરીના સંચાલકો સામ સામે આવી ગયા હતા ત્યારે વડોદરા ડેરી મામલે વિવાદ પણ ઉભો થયો હતો અને અગાઉ સીઆર પાટીલની અધ્યક્ષતામાં બેઠક પણ પસંદગીના નામો ઉતારવા માટે થઈ હતી. ત્યારે આખરે બરોડા ડેરીના પ્રમુખ અને ઉપપ્રમુખની આજે વરણી કરવામાં આવી હતી.
વડોદરા ડેરીના નવા પ્રમુખ સતીષ પટેલને બનાવવામાં આવ્યા છે જ્યારે જીબી સોલંકીની ઉપપ્રમુખ તરીકે વરણી કરવામાં આવી છે. ત્યારે આ દરમિયાન પ્રમુખે કહ્યું હતું કે, પશુપાલકોના હિતમાં કાર્ય કરીશું. આ સાથે એ પણ કહ્યું હતું કે કોઈ પણ પ્રકારના વિરોધની વાત નહોતી. બરોડા ડેરીના પ્રમુખ અને ઉપપ્રમુખની વરણી થયા બાદ બરોડા ડેરીનું કોકડું ઘણા સમય બાદ હવે ઉકેલાયું છે.
