ભરૂચ જિલ્લામાં દારૂ જુગાર જેવી પ્રવૃતિઓને ડામવા માટે જિલ્લા પોલીસ વડા સહિતનો પોલીસ વિભાગ સતત વિવિધ સ્થળોએથી ગુનેગારી તત્વોને ઝડપી પાડી તેઓને કાયદાના પાઠ ભણાવી રહ્યા છે, અંકલેશ્વરના વાલિયા ચોકડી વિસ્તારમાંથી ક્રાઇમ બ્રાંચ દ્વારા બે ઈસમોને હજારોની કિમતના ભારતીય બનાવટના વિદેશી શરાબના જથ્થા સાથે ઝડપી પાડ્યા હતા.
ભરૂચ ક્રાઇમ બ્રાંચના કર્મીઓને મળેલ બાતમીના આધારે વાલિયા ચોકડી વિસ્તાર નજીક આવેલ બસ ડેપો ખાતે સુરતના બે જેટલાં ઈસમો થેલામાં ભારતીય બનાવટના વિદેશી શરાબનો મોટો જથ્થો લઈ પરત સુરત તરફ જવાનાં છે જે બાદ ક્રાઇમ બ્રાંચ દ્વારા બંને ઈસમોની વાલિયા ચોકડી વિસ્તારમાં વોચ ગોઠવી ઝડપી પાડ્યા હતા.
ક્રાઇમ બ્રાંચ દ્વારા મામલે (1) રાજેશ રમસુરત નિષાદ રહે,ડિંડોલી સુરત તેમજ (2) રાહુલ રામજીત નિષાદ રહે,કાપોદ્રા સુરત નાઓને ઝડપી પાડી તેઓ પાસેથી કુલ 40 હજાર ઉપરાંતનો મુદ્દામાલ કબ્જે કરી તમામ સામે કાયદેસરની કાર્યવાહી હાથધરી હતી.
