ભારતીય રમતોને પ્રોત્સાહન આપવાના ભાગરૂપે વડોદરામાં ધ લિટલ જાયન્ટ ઇન્ટર સ્કૂલમાં બે દિવસિય કબડ્ડી અને ખોખો ટુર્નામેન્ટનું આયોજન થયું હતું, આ ટુર્નામેન્ટમાં કબડ્ડીની રમતમાં 32 તેમજ ખોખોની રમતમાં 16 ટિમોએ ભાગ લીધો હતો, અદાણી સ્પોર્ટ્સલાઈન દ્વારા શહેરની દિલ્હી પબ્લિક સ્કૂલ ખાતે આયોજીત આ સ્પર્ધામાં ઉભરતા યુવા ખેલાડી ઓને તેમની પ્રતિભા દર્શાવવાની તક મળી હતી.
ખોખો અને કબડ્ડીની ફાઇનલ મેચમાં ભારે રસાકસી જોવા મળી હતી, કબડ્ડીમાં ઊર્મિ સ્કૂલનો જીપીએસ સ્કૂલ સામે તેમજ ખોખોની ફાઇનલમાં ઝેનિથ સ્કૂલનો ક્રિસ્ટલ સ્કૂલ સામે વિજય થયો હતો, આ ટુર્નામેન્ટમાં ઉત્સાહભેર વિધાર્થીઓએ ભાગ લીધો હતો તેમજ ટુર્નામેન્ટના આયોજકોનો પણ બાળકોને પ્રોત્સાહન પૂરું પાડવા બદલ આભાર વ્યક્ત કરવામાં આવ્યો હતો.
Advertisement
