ગૂગલે ચંદ્રયાન-3 ની સફળતાનો જશ્ન મનાવતા કમાલનું ડૂડલ બનાવ્યુ છે. આ ડૂડલ ચંદ્રયાન-3 ની સફળતાની સાથે-સાથે ચંદ્રના સાઉથ પોલ પર પહેલી વખત લેન્ડિંગ કરનાર ભારતની ખુશીને દર્શાવે છે.
આજનું ગૂગલ ડૂડલ ચંદ્રયાન-3 ની સફળતાનો જશ્ન મનાવવા માટે બનાવવામાં આવ્યુ છે. ચંદ્રના દક્ષિણ ભાગ પર પહેલી વખત લેન્ડિંગ કરનાર ભારત પહેલો અને એકમાત્ર દેશ બની ગયો છે. આ ખુશીનો જશ્ન મનાવતા ગૂગલે પોતાનું નવુ ડૂડલ બનાવ્યુ છે.
ચંદ્રયાન-3 અંતરિક્ષ યાન 14 જુલાઈ, 2023 એ ભારતના આંધ્રપ્રદેશના શ્રીહરિકોટા રેન્જમાં સતીશ ધવન અંતરિક્ષ કેન્દ્રથી લોન્ચ કરવામાં આવ્યુ હતુ અને 23 ઓગસ્ટ 2023 એ ચંદ્રના દક્ષિણ ભાગ નજીક સફળતાપૂર્વક સોફ્ટ લેન્ડિંગ કર્યુ છે. કોઈ પણ દેશ આ પહેલા ચંદ્રના દક્ષિણ ધ્રૂવ ક્ષેત્ર સુધી પહોંચ્યો નથી. દરમિયાન ભારત ન માત્ર ચંદ્ર સુધી પહોંચનાર ચોથો દેશ બન્યો છે પરંતુ ચંદ્રના સાઉથ પોલ પર ઉતરનાર પણ પહેલો દેશ બન્યો છે.
ડૂડલમાં શું છે
Google ના O ને ચંદ્ર દર્શાવાયો છે. તેની ચારેય બાજુ ચંદ્રયાન-3 ફરતુ દર્શાવાયુ છે. પછી ચંદ્રયાન ચંદ્ર પર ઉતરે છે. જે બાદ પૃથ્વીને પણ દર્શાવાઈ છે. ગૂગલે આ ડૂડલ ખૂબ જ સ્પષ્ટ અને શ્રેષ્ઠ બનાવ્યુ છે. આ ડૂડલ પર ક્લિક કરવાથી ચંદ્રયાન-3 સંબંધિત ઘણી જાણકારીઓ સામે આવી જાય છે.
