આજરોજ અંકલેશ્વર-હાંસોટ વિધાનસભા યુથ કોંગ્રેસ દ્વારા વિસ્તારના જાહેર માર્ગોની કથળેલી સ્થિતિને વહેલી તકે સુધારવા માટે માર્ગ અને મકાન ખાતાની કચેરી, ભરુચીનાકા અંકલેશ્વર ખાતે આવેદનપત્ર આપી રજુઆત કરવાનું આયોજન હતું પરંતુ મુખ્ય ઈજનેર સાહેબ કચેરીએ ઉપસ્થિત હતા નહીં.
યુથ કોંગ્રેસના આગેવાનો સ્પંદન પટેલ, પ્રતીક કાયસ્થ, વસીમ ફડવાળા, ચિરાગ વસાવા, હરીશ વસાવા, શિવા વસાવા, મુકેશભાઈ વસાવા, સિકંદર કડીવાળા, ધર્મેન્દ્રસિંહ સાંગડોટ, શોએબ ઝગડીયાવાળા સહિતના આગેવાનો અને કાર્યકર્તાઓએ રજુઆત કરવા હોબાળો મચાવતા અને કચેરીના આંગણામાં બેસી જઈને સુત્રોચ્ચાર અને ઉગ્ર રજૂઆતો કરાતા ઈજનેર દ્વારા એમના નીચલા અધિકારી મારફત આવેદનપત્ર સ્વીકારી યોગ્ય કાર્યવાહી લેખિતમાં બાંહેધરી આપવામાં આવી હતી.
Advertisement
