ભરૂચના જુના નેશનલ હાઇવે પર નવસર્જન મોટર્સના ટુ વહીલર શો રૂમમાં રાતના સુમારે આગ ફાટી નીકળતા દોડધામ મચી ગઈ હતી. આગ ઉપર કાબૂ મેળવવા એક પછી એક 5 ફાયર ટેન્ડર મદદે બોલાવવાની ફરજ પડી હતી. બેઝમેન્ટમાં લાગેલી આગના કારણે બુઝવવા માટે પણ ભારે જહેમતનો સામનો કરવો પડ્યો હતો.
ભરૂચ ફાયર બ્રિગેડના ચીફ ફાયર ઓફિસર તરફથી મળતી માહિતી અનુસાર રાતે પાલિકાના ફાયર સ્ટેશનમાં નવસર્જન મોટર્સના પાછળના ભાગમાં આગ અને ધુમાડા નજરે પડી રહ્યા હોવાનો કોલ મળ્યો હતો. બેઝમેન્ટ બંધ હોવાના કારણે આગ બુઝાવવા સમસ્યાનો સામનો કરવો પડ્યો હતો. લગભગ 5 ફાયર ટેન્ડરોએ કલાકોની જહેમત બાદ આગ ઉપર કાબુ મેળવ્યો હતો.
Advertisement
