માંગરોળ ગામે બંધ મકાનમાં તસ્કરોએ 1.80 લાખથી વધુની મત્તાની ચોરી કરી ફરાર થઇ ગયાં હતાં. બનાવ સંદર્ભે માંગરોલ પોલીસે સ્થળ પર દોડી આવી તપાસ હાથ ધરી છે.
માંગરોળમાં આવેલાં સ્ટાર વિલા ખાતે રહેતાં મિતેષ જોશીના પરિવારની વહું સગર્ભા હોઇ તેમને પ્રેગ્નેન્સીનો સમય આવી ગયો હોઇ તેમને ભરૂચ ખાતેની હોસ્પિટલમાં લઇ જવાઇ હતી. પરિવારજનો પણ તેમની સાથે હોસ્પિટલમાં ગયાં હતાં. દરમિયાનમાં તેમના બંધ મકાનને તસ્કરોએ નિશાન બનાવી તેમના ઘરમાંથી રોકડા રૂપિયા 90 હજાર તેમજ સોના-ચાંદીના દાગીના મળી કુલ 1.80 લાખથી વધુની મત્તાની ચોરી કરી રફૂચક્કર થઇ ગયાં હતાં. પરિવારજનો ઘરે પહોંચતાં ઘરમાંથી ચોરી થયાનું માલુમ પડતાં તેમણે માગરોળ પોલીસમાં જાણ કરતાં પોલીસે તપાસ હાથ ધરી છે.
Advertisement
