રાજસ્થાનના બાડમેર વિસ્તારમાં રહેતાં જાવેદ યાકુબ ખાન અંક્લેશ્વર ખાતે રહેતાં તેમના મિત્ર યાસીફભાઇ પાસે કામ અર્થે આવ્યાં હતાં. મિત્રને મળ્યા બાદ તેઓ અંક્લેશ્વરથી સુરત જવા માટે નિકળ્યાં હતાં. દરમિયાનમાં રેલવેની ટિકીટ લઇ અંક્લેશ્વર રેલવે સ્ટેશન પર પ્લેટફોર્મ નંબર 2 પર ગયાં હતાં. તેઓ વડોદરા વલસાડ ઇન્ટરસિટી એક્સપ્રેસ આવતાં ટ્રેનની પાછળ જનરલ કોચમાં ચઢતી વેળાં ઘણી ભીડ હોઇ તેઓ ભીડમાં ચઢતી વેળાં તેમના પેન્ટના ખિસ્સામાં રાખેલો મોબાઇલ કોઇ ગઠિયાએ કાઢી ગયો હતો. તેઓ ટ્રેનમાં ચઢ્યા બાદ તેઓ તેમનો મોબાઇલ કાઢવા જતા તે ચોરી થઇ ગયો હોવાનું માલુમ પડ્યું હતું. બનાવ સંદર્ભે તેમણે રેલવે પોલીસ મથકે ફરિયાદ નોંધાવતાં પોલીસે ગુનો નોંધી આગળની કાર્યવાહી હાથ ધરી છે.
Advertisement
