પોલીસે કુલ 16 હજાર રોકડા સહિતનો મુદ્દામાલ જપ્ત કર્યો
ભરૂચ.
Advertisement
અંક્લેશ્વરના ભડકોદ્રા ગામે આવેલી શાલીમાર સોસાયટીમાં રહેતાં અમિષ હસમુખલાલ મોદી તેમના રહેણાંક ઘરમાં તેમના પરીચિતો સાથે જુગારની મહેફિલ જમાવે છે તેવી ચોક્કસ બાતમી અંક્લેશ્વરના પીઆઇ આર. એચ. વાળાની ટીમને મળી હતી. જેના પગલે તેમણે તેમના સર્વેલન્સની ટીમના પીએસઆઇ આર. એ. અસ્વારને જાણ કરતાં તેઓએ સ્થળ પર દરોડો પાડ્યો હતો. ટીમે ઘરમાં જુગાર રમતાં 5 જુગારીયા અમિષ હસમુખલાલ મોદી, અશ્વિન છોટાલાલ ઘીવાલા, વિનોદ કાલીદાસ પટેલ, ભરત માણેકજી મોમાયા તેમજ હિતેશ મગન રાઠોડને ઝડપી પાડ્યાં હતાં. ટીમે તેમની પાસેથી દાવપર લાગેલાં તેમજ અંગઝડતીના મળી કુલ 16 હજારથી વધુની રોકડ રકમ જપ્ત કરી હતી. ટીમે તમામ વિરૂદ્ધ જુગારધારા હેઠળ ગુનો નોંધી આગળની કાયદેસરની કાર્યવાહી હાથ ધરી છે.
