અંકલેશ્વર એ ડિવિઝન પોલીસની ટીમે ચોક્કસ માહિતીના આધારે અવસર બંગ્લોઝ ખાતે દરોડો પાડી ઈંગ્લીશ દારૂ સાથે ઈસમની ધરપકડ કરી છે. દીવા રોડ પર પેટ્રોલીંગ દરમ્યાન પોલીસે જલારામ નગર રોડ પર આવેલા અવસર બંગ્લોઝ મકાન નંબર 46 ખાતે તપાસ હાથ ધરી હતી. પોલીસે સ્થળ પર સર્ચ કરતા ઈંગ્લીશ દારૂની 750 એમ.એલ.ની 4 બોટલ મળી આવી હતી, જેની કિંમત રૂપિયા 8,350 થાય છે. મુદ્દામાલને પોલીસ દ્વારા જપ્ત કરવામાં આવ્યો છે.આ કેસમાં દારૂ લાવનાર મયુર રાકેશ ગાંધીની ધરપકડ કરવામાં આવી છે. પોલીસે પ્રાથમિક તપાસ હાથ ધરતાં, દારૂ ક્યાંથી લાવવામાં આવ્યો હતો અને કોને પહોંચાડવાનો હતો તે અંગે વધુ પૂછપરછ શરૂ કરી છે.
અંકલેશ્વર એ-ડિવિઝન પોલીસે દારૂ સાથે ઈસમની ધરપકડ
