ભરૂચના પાલેજ ટાઉન સહિત પંથકમાં ચોમાસાએ યુ ટર્ન લીધો હોય એમ લાગી રહ્યુ છે. છેલ્લા બે દિવસથી વાતાવરણમાં ગરમીનું પ્રમાણ વધતા લોકો પરસેવે રેબઝેબ થઇ રહ્યા હતા ત્યારે શનિવારે વ્હેલી સવારે નગરના વાતાવરણમાં અચાનક પલટો આવ્યો હતો અને જોતજોતામાં મેઘરાજાની ધમાકેદાર એન્ટ્રી થઇ હતી.
વીજળીના ચમકારા સાથે ધોધમાર વરસાદ ખાબકતા પાણી પાણી થઈ જવા પામ્યું હતું. પાલેજ નજીક આવેલા વલણ ગામમાં પણ ભારે વરસાદ ખાબક્યાના અહેવાલ મળ્યા છે. વલણમાં ભારે વરસાદને પગલે ગામમાં પાણી ભરાઇ જવા પામ્યા હતા. જેના કારણે ગ્રામજનો હાલાકીમાં મુકાયા હતા. પાણીમાંથી પસાર થતા વાહનોનો વિડિયો વાયરલ થયો હતો. વરસાદને પગલે વાતાવરણમાં ઠંડક પ્રસરી જવા પામી હતી. આમ ચોમાસાની વિદાય ટાણે મેઘરાજાએ ફરી એકવાર ધબડાટી બોલાવી હતી…
Advertisement
:- યાકુબ પટેલ..ભરૂચ…
