પોલીસે ટ્રકમાંથી ક્રૂરતાપૂર્વક બાંધેલી 17 ભેંસને મુક્ત કરાવી છે. પશુઓની હેરાફેરી માટે કોઈ કાયદેસરના દસ્તાવેજો નહોતા. રૂરલ પોલીસે ગુનો નોંધી 2 ઈસમની ધરપકડ કરી હતી.જયારે નાય એક ઈસમ ને વોન્ટેડ જાહેર કરવામાં આવ્યો હતો.
બનાવની વિગતો અનુસાર અંકલેશ્વર ના જીતાલી સ્થાનિક રહેવાસી સચિન ઉપાધ્યાય ની માહિતી ના આધારે રૂરલ પોલીસે દ્વારા નવજીવન હોટલ નજીક વોચ ગોઠવી ને શંકાસ્પદ ટ્રકને રોકવામાં આવી હતી. તપાસ દરમિયાન ટ્રકમાંથી ક્રૂરતાપૂર્વક બાંધેલી હાલતમાં 17 ભેંસ મડી આવી હતી. આરોપી પાસે પશુઓની હેરાફેરી માટે કોઈ કાયદેસરના દસ્તાવેજો નહોતા. પોલીસે ભરૂચના કહાન ગામના એઝાજ હુસૈન યાકુબ ધારીયા અને વડોદરાના વલણ ગામના સકીલ યાકુબ ભગતની ધરપકડ કરી છે. આ કેસમાં એક આરોપી હજુ ફરાર છે, જેને પોલીસે વોન્ટેડ જાહેર કર્યો છે. પોલીસે કુલ 1.70 લાખ ની કિંમત ની ભેંસ તેમજ 5 લાખ નો ટ્રક મળી કુલ 6.70 લાખ રૂપિયા નો મુદ્દામાલ જપ્ત કર્યો હતો તેમજ ભેંસો ને મુક્ત કરાવી ગૌશાળા મોકલી આપી હતી.
