શહેરના બહારની ઉંડાઈ વિસ્તારની ઘટના
1 ભરૂચ
ભરૂચ શહેરના બહારની ઊંડાઈ વિસ્તારમાં રહેતી અનમ સાહિદ અલી કુરેશીની માતા હદીસબાનુ સાથે તેના કાકા જાહીદ કુરેશીને કોઈ વાતે બોલાચાલી થઈ હતી. જેથી તેની માતા હદીસબાનુ તેના કાકાને તેમના ફળિયાની બહાર મુકવા જતાં હતાં. જેથી અનેમ પણ તેમની પાછળ પાછળ ગઈ હતી. જે બાદ તે એકલી પરત ઘર તરફ આવી રહી હતી. તે વેળાં તેમના ફળિયામાં રહેતાં શબાનાબેન સુસેનમી શેખ તેને જોઈને અપશબ્દો ઉચ્ચારવા લાગી હતી. જેથી તેણે તેમને અપશબ્દોનહીં બોલવા કહેતાં શબાનાએ કોન કરી તેના પતિને બોલાવતાં તે પણ ત્યાં આવી ગયો હતો. તે પણ તેને અપશબ્દો ઉચ્ચારતો હોઈ તેને અપશબ્દો બોલવાની ના પાઠતાં હુસેનમીયા તેમજ તેના છોકરાઓ મુબારક શેખ અને અલતાફ શેખ પણ ત્યાં આવી પહોંચ્યા હતાં. તેઓએ મળી અનુમ કુરેશીને માર મારી ગંભીર ઈજાઓ પહોંચાડી હતી. ઈજાચસ્તને તાત્કાલિક સારવાર માટે ભરૂચ સિવિલ હોસ્પિટલમાં ખસેડવામાં આવ્યાં હતાં. બનાવ સંદર્ભે ભરૂચ એ ડિવિજન પોલીસે ગુનો નોંધી આગળની કાર્યવાહી હાથ ધરી છે.
