દહેજ નજીકના એક ગામમાં બનેલી ઘટના
ભરૂચ.
દહેજ નજીકના એક ગામમાં રહેતી પરીણિતા ગત 8મી જાન્યુઆરીએ રાત્રીના સમયે તેના ઘરે એકલી હતી. જ્યારે તેના પતિ બાળકોને લેવા જંબુસરના એક ગામે ગયાં હતાં. તે સાતેક વાગ્યાના અરસામાં ઘરમાં કામ કરી રહી હતી. તે વેળાં પરીણિતાના એકલતાનો લાભ લઇ તેમના ગામમાં જ બીજા ફળિયામાં રહેતો એક ભરત કરસન પટેલ અચાનક ઘરનો દરવાજો ખખડાવતાં પરીણિતાએ દરવાજો ખોલતાં ઘુસી આવ્યો હતો. ભરતે મહિલાને એક કંપનીમાં નોકરીએ લગાડી હોવાથી તેણે ભરતને કોઇ કામ હશે તેમ માની ઘરમાં લીધો હતો. દરમિયાનમાં ભરતે મહિલા સાથે જબરજસ્તી કરવા લાગ્યો હતો. મહિલાએ વિરોધ કરતાં શખ્સે અચાનક ચપ્પુ કાઢી મહિલાને ધમકાવી તેની સાથે બળજબરી પુર્વકે દુષ્કર્મ આચરી ફરાર થઇ ગયો હતો. મોડી રાત્રે તેનો પતિ ઘરે આવતાં તેણે પતિને તમામ હકિકતથી વાકેફ કરતાં તેઓએ દહેજ મરીન પોલીસ મથકે ફરીયાદ નોંધાવતાં પોલીસે ગુનો નોંધ્યો હતો. દહેજ મરીન પોલીસે ગણતરીના સમયમાં જ આરોપીને ઝડપી પાડી આગળની કાયદેસરની કાર્યવાહી હાથ ધરી છે.
