ભરૂચ:
વાલિયા પોલીસ ડહેલી ગામના બ્રીજ પાસે વોચમાં હતી. દરમ્યાન ડહેલી ગામ તરફથી ઇકો કાર આવતા તેને કોર્ડન કરી ઉભી રાખવામાં આવી હતી. કાર ચલાવતા સાગબારાના નેવડીઆંબા ગામના જાવલા વસાવાને નીચે ઉતારી ઇકોમાં તપાસ હાથ ધરાઈ હતી. ઇક્કો ગાડીમાં ચોરખાનુ બનાવી અલગ અલગ જગ્યાએ ઇંગ્લીશ દારૂની બોટલો સંતાડેલી મળી આવી હતી. પોલીસે ડેશબોર્ડ, બોનેટ, બે દરવાજા, ડીકી, સ્પેર વ્હીલ, સીટ નીચે બનાવેલા 10 ચોરખાનામાંથી દારૂની 1124 પ્લાસ્ટિકની બોટલો કબ્જે કરી હતી. કુલ રૂપિયા 2.52 લાખનો દારૂ અને ઇકો મળી 4.52 લાખનો મુદામાલ કબ્જે કરાયો હતો. ધરપકડ કરાયેલ ઇકો ચાલકે આ દારૂ તે રાજપીપળા સુનિલભાઈને આપવા જતો હોવાની કબૂલાત કરી હતી.
Advertisement
