ભરૂચ : ભરૂચ જિલ્લા ઉદ્યોગ કેન્દ્રની કચેરીના જૂના બિલ્ડીંગની હાલત જર્જરિત બનતા વહીવટી કારણોસર કચેરીનું સ્થળાંતર કરવામાં આવ્યું છે. હવેથી જિલ્લા ઉદ્યોગ કેન્દ્રની તમામ કામગીરી અને પત્રવ્યવહાર નવા સરનામેથી કરવામાં આવશે.
જિલ્લા ઉદ્યોગ કેન્દ્રનું નવું સરનામું “શ્રી સદવિદ્યા મંડળ કોલેજ કેમ્પસ, પ્રથમ માળ, એક્સિસ બેન્કની ઉપર, જૂનો હાઈવે નં-૮, ભોલાવ, ભરૂચ – 392001” રાખવામાં આવ્યું છે.
અગાઉ કચેરી કણબીવગા વિસ્તારમાં જૂની મામલતદાર કચેરી નજીક કાર્યરત હતી. જૂના બિલ્ડીંગની હાલત જર્જરિત બનતા સલામતી અને વહીવટી સુવિધાને ધ્યાનમાં રાખી સ્થળાંતરનો નિર્ણય લેવામાં આવ્યો હોવાનું જાણવા મળ્યું છે.
જિલ્લા ઉદ્યોગ કેન્દ્ર દ્વારા ઉદ્યોગ સાહસિકો અને નાગરિકોને હવેથી નવા સરનામે સંપર્ક કરવા અને નોંધ લેવા અપીલ કરવામાં આવી છે. કચેરીના ઈ-મેઈલ gm-dic-bha@gujarat.gov.in
પર પણ સંપર્ક કરી શકાશે.
