ભરૂચ.
ભરૂચ એ ડિવિઝન પોલીસ મથકનો સ્ટાફ નાઇટ રાઉન્ડ પેટ્રોલિંગમાં હતો. તે વેળાં કોન્સ્ટેબલ અજયસિંહને ચોક્કસ બાતમી મળી હતી કે, બહારની ઉંડાઇ ખાતે બટુકનાથ અખાડાની સામે રોડ પર ખુલ્લી જગ્યામાં કેટલાંક શખ્સોએ સ્ટ્રીટ લાઇટના અજવાળે જુગારની મહેફિલ જમાવી છે. જેના પગલે ટીમે તુરંત સ્થળ પર દરોડો પાડ્યો હતો. પોલીસની રેડને જોઇ જુગારિયાઓમાં દોડધામ મચી ગઇ હતી. જોકે, પોલીસે તેમનો પિછો કરી તે પૈકીના 6 જુગારિયાઓને ઝડપી પાડ્યાં હતાં. ટીમે તેમની વિગતો મેળવતાં તેમના તેમના અલ્તાફ મહેબુબ મીયા શેખ, રફીક મોહંમદ પટેલ, સોહેલ આરીફ શેખ, સોયેબ ઉર્ફે તમ્મો મહેબુબ શેખ, શહેઝાદ ઇમ્તિયાઝ મિર્ઝા તેમજ ઝુનેદ ઝહાંગીર પઠાણ હોવાનું માલુમ પડયું હતું. જ્યારે 3 જણા પોલીસને ચકમો આપી નાસી છુટ્યાં હતાં. તેમના અંગે પુછતાં તેમના નામ રિઝવાન ઇકબાલ પટેલ, કિરણ નગીન વસાવા તેમજ સલમાન જાવીદ કાપડીયા હોવાનું તેમણે જણાવ્યું હતું. પોલીસે સ્થળ પરથી દાવ પર લાગેલા તેમજઆરોપીની અંગઝડતીમાંથી મળી કુલ કુલ 11 હજાર રોકડા તેમજ બે મોબાઇલ મળી કુલ 21 હજારથી વધુનો મુદ્દામાલ જપ્ત કર્યો હતો. ટીમે તમામ વિરૂદ્ધ જુગારધારા હેઠળ ગુનો નોંધી આગળની કાયદેસરની કાર્યવાહી હાથ ધરી છે.
