રોડ સાઈડ પર રાખેલા સિલિન્ડરમાં અચાનક ભભૂકી આગ, લોકોમાં દોડધામનો માહોલ
Advertisement
ભરૂચ.
ભરૂચના નંદેલાવ વિસ્તારમાં રોડ સાઈડ પર રાખેલા ગેસ કટર સિલિન્ડરમાં અચાનક આગ લાગી જતાં વિસ્તારમાં અફરાતફરીનો માહોલ સર્જાયો હતો. આગની જ્વાળાઓ ઊંચી ઉઠતા આસપાસના લોકોમાં ભય ફેલાયો હતો અને મોટી સંખ્યામાં લોકો ઘટનાસ્થળે એકત્ર થઈ ગયા હતા.
ઘટનાની જાણ થતાં જ સ્થાનિક ફાયર બ્રિગેડની ટીમ તાત્કાલિક સ્થળ પર દોડી આવી હતી. ફાયર ફાઇટરોએ ઝડપી અને સતર્ક કામગીરી હાથ ધરી આગ પર કાબૂ મેળવ્યો હતો. સમયસર આગ બુઝાવી દેતાં મોટી દુર્ઘટના ટળી હોવાનું મનાઈ રહ્યું છે.
સદનસીબે આ સમગ્ર ઘટનામાં કોઈ જાનહાનિ થઈ નથી. જોકે આગ લાગતાં થોડા સમય માટે વિસ્તારમાં તણાવ અને ભયનો માહોલ સર્જાયો હતો.
ફાયર વિભાગ દ્વારા સિલિન્ડરમાં આગ લાગવાના ચોક્કસ કારણોની તપાસ શરૂ કરવામાં આવી છે.
