Proud of Gujarat
bharuchCrime & scandalFeaturedGENERAL NEWSGujaratINDIAUncategorized

કારતક સુદ એકાદશીએ ભરૂચના વિવિધ દેવાલયોમાં તુલસી વિવાહની ભક્તિભાવપૂર્વક ઉજવણી : શ્રી રાધા વલ્લભ મંદિરમાં શાલિગ્રામ ભગવાન અને તુલસીજીના વિવાહ પ્રસંગે દર્શનાર્થે ઉમટ્યા ભાવિકો

Share

 

ભરૂચ સહિત સમગ્ર જિલ્લામાં આજે કારતક સુદ એકાદશી એટલે કે દેવઉઠી એકાદશીના પવિત્ર પર્વ નિમિત્તે વિવિધ દેવાલયોમાં તુલસી વિવાહની ધાર્મિક પરંપરા ભક્તિભાવ અને શ્રદ્ધા સાથે ઉજવવામાં આવી હતી. આ પાવન અવસરે મંદિરોમાં વિશેષ પૂજા-અર્ચના, શણગાર અને ધાર્મિક કાર્યક્રમોનું આયોજન કરવામાં આવ્યું હતું.

Advertisement

ભરૂચના શ્રી રાધા વલ્લભ મંદિર ખાતે શાલિગ્રામ ભગવાન અને તુલસીજીના વિવાહ પ્રસંગની વિશેષ ઉજવણી કરવામાં આવી હતી. આ પ્રસંગે ભગવાન શાલિગ્રામ સહિત તુલસી વિવાહના સુંદર દર્શનનું આયોજન કરાયું હતું. મંદિરને આકર્ષક રીતે શણગારવામાં આવ્યું હતું. મોટી સંખ્યામાં ભક્તોએ મંદિરે પહોંચીને દર્શનનો લાભ લીધો હતો અને ધન્યતા અનુભવી હતી.

હિંદુ ધર્મમાં કારતક સુદ એકાદશીનું વિશેષ ધાર્મિક મહત્ત્વ છે. માન્યતા અનુસાર ચાતુર્માસ દરમિયાન યોગનિદ્રામાં રહેલા ભગવાન વિષ્ણુ આ દિવસે જાગૃત થાય છે. આ દિવસથી માંગલિક પ્રસંગો અને લગ્નસરાની શરૂઆત પણ થાય છે. તુલસી વિવાહને ભગવાન વિષ્ણુ અને માતા તુલસીના પવિત્ર લગ્નોત્સવ તરીકે ઉજવવામાં આવે છે. સમગ્ર વાતાવરણ ભક્તિમય બન્યું હતું.


Share

Related posts

નર્મદા જિલ્લામાં સરકારી અને ખાનગી હોસ્પિટલમાં ઓક્સિજનની સુવિધા ઉપલબ્ધ કરાઇ:ત્રીજી લહેરને ધ્યાને રાખીને કામગીરી આંરભાઈ

ProudOfGujarat

અંકલેશ્વર : ઇન્ડસ્ટ્રીયલ એક્સપ્રોના પ્રોગ્રામને રદ કરવાની માંગ સાથે મામલતદારને આવેદનપત્ર પાઠવાયું.

ProudOfGujarat

નર્મદા પોલીસે પોઇચા પાસે કારમા આવતા વિદેશી દારૂ સાથે બેની અટકાયત કરી,એક ફરાર 

ProudOfGujarat

Leave a Comment

error: Content is protected !!