રાવપુરા વડોદરા ખાતેથી ચોરાયેલી મોટર સાયકલ ચોરીનો ભેદ ઉકેલાયો
ભરૂચ પોલીસ તંત્ર ધ્વારા વાહન ચોરી અંગે સઘન ઝુબેશ હાથ ધરવામાં આવી છે. ત્યારે આજ રોજ એક મોટરસાયકલ ઉઠાંતરી કરનારા આરોપીને ઝડપી લેવામાં પોલીસ તંત્ર ને સફળતા પ્રાપ્ત થઈ છે. ભરૂચ જીલ્લામાં બનતા વાહન ચોરીના ગુનાઓ અટકાવવા ભરૂચ શહેરની પોલીસ ખાનગી વાહનમાં પેટ્રોલીગ માં હતા તે દરમ્યાન જંબુસર બાયપાસ ઉપર બાતમી નાં આધારે વોચ ગોઠવી હતી. તે દરમ્યાન બાતમી વાળી ગાડી નંબર ૫૮૯૬ આવતા તેને ઉભી રાખી આરોપી યુસુફ મુસા માતાદાર ને પૂછપરછ કરતા પોલીસને સંતોષ કારક ન જણાતા તે ગાડી ની ચેસીસી નંબર ચેક કરતા તે ગાડીનો નંબર જીજે.૦૬.ડીકે.૧૦૩૮ હોય અને તે ગાડી ૨૦૧૫ ની સાલમાં વડોદરા શહેરના રાવપુરા વિસ્તારમાંથી ચોરી થઇ હોવાનું જાણવા મળ્યું હતું. ત્યારબાદ પોલીસે આરોપી યુસુફ મુસાની અટક કરી આગળની તપાસ હાથ ધરી છે. આ બનાવાની તપાસ ભરૂચ શહેર “બી” ડીવિઝન કરી રહી છે.
