વિજયસિંહ સોલંકી, ગોધરા
પંચમહાલ જિલ્લાના ગોધરા શહેરના
નહેરુબાગ પાસે આવેલા એક કુવામાથી અજાણ્યા પુરુષની લાશ મળી આવતા ભારે ચકચાર મચી જવા પામી હતી. પોલીસને જાણ થતા પોલીસે આ અંગે ફરિયાદ નોંધી પુરુષની ઓળખ અંગે ના તપાસના ચક્રો ગતિમાન કર્યા છે.
પ્રાપ્ત વિગતો અનુસાર ગોધરા શહેરમા બસ સ્ટેશનની પાસે નહેરુ બાગ આવેલો છે.હાલ આ બાગનુ નવીનીકરણની કામગીરી તંત્ર દ્રારા હાથ ધરવામા આવી રહી છે.બાગના ચોકીદારને બાગની પાછળ આવેલા એક કુવામા પુરુષની લાશ જોવા મળી હતી. પોલીસને જાણ કરતા બનાવ સ્થળ પર આવી ને કુવા માથી તરતી લાશ ને બહાર કાઢવામા આવ્યા બાદ જરુરી કાર્યવાહી કરી આ પુરુષની લાશના નામ ઠામ, સરનામા સહિત વિગતો મેળવવા માટે તપાસ હાથ ધરી છે.અત્રે ઉલ્લેખનીય છેકે આ પુરુષે આત્મહત્યા કરી છે ? કે પછી અજાણતા પડી ગયોછે ?તેવા અનેક તર્કવિર્તક સર્જાયા છે.બનાવના સ્થળે લોક ટોળા ઉમટયા હતા.
