શેખપુરના તળાવની પાળ ઉપર ગાબડુ દેખાતા ગ્રામજનોએ તંત્રને કરી જાણ

શહેરા,

પંચમહાલ જિલ્લાના શહેરા તાલુકાના શેખપુર ગામ ના મુખ્ય તળાવની પાળ ઉપર ગાબડુ પડતા ગ્રામ ના સરપંચ એ તાત્કાલિક તાલુકાના સ્થાનિક તંત્રને જાણ કરી હતી મામલતદાર અને તાલુકા વિકાસ અધિકારી તાત્કાલિક સ્થળે પહોચીને ગાબડાનુ સમારકામ કરવા આદેશ કર્યા હતા .

શહેરા તાલુકામા આવેલુ શેખપુર ગામનુ મુખ્ય તળાવ છ હેક્ટર મા પથરાયેલ છે હાલ વરસાદ સારો થયો હોવાથી તળાવ પાણી થી છલોછલ ભરાયેલ છે આ તળાવની આવેલી પાળ ઉપર મસ મોટુ ગાબડું પડયુ હતુ તે સ્થાનિક ગ્રામજનોને જોવા મળતા તેમણે તાત્કાલિક ગામના સરપંચ ચંદુભાઈ પગીને જાણ કરી હતી તેઓ દ્વારા તાલુકાતંત્રને જાણ કરતા મામલતદાર અને તાલુકા વિકાસ અધિકારી સહિતનો સ્ટાફ તાત્કાલિક ગાબડુ પડ્યુ હતુ તે જગ્યાએ દોડી આવ્યા હતા .અને ગાબડાનુ નિરીક્ષણ કર્યુ હતુ.
અને માટી પુરવાનો તંત્રને આદેશ કર્યો હતો.