વલસાડની શિક્ષીકાને નેશનલ એવોર્ડ મળશે..

સૌજન્ય-વલસાડ | દિલ્હીની સીઈડી ફાઉન્ડેશન દ્વારા દરવર્ષે શિક્ષણ ક્ષેત્રે શ્રેષ્ઠ પ્રદાન કરનારા દેશભરના શ્રેષ્ઠ શિક્ષકોનું સન્માન કરવામાં આવે છે. આ વર્ષના નેશનલ સ્કૂલ એજ્યુકે્ટર ટીચર્સ એવોર્ડ-2018 માટે વલસાડના અબ્રામા સ્થિત બીએપીએસ સ્વામી નારાયણ વિદ્યામંદિરના આચાર્યા સંગીતા કે.પટેલની પસંદગી કરાઈ છે. આગામી 4થી નવે. રવિવારે સવારે 9 થી 5 દરમિયાન દિલ્હી ખાતે નેશનલ સાયન્સ સેન્ટરમાં યોજાનાર એક વિશેષ કાર્યક્રમમાં સંગીતા પટેલને શિક્ષા ગૌરવ એવોર્ડસ્ આપી સન્માનિત કરાશે, એમ સીઈડી ફાઉન્ડેશનના એવોર્ડ કમિટીના ચેરપર્સન ડો. પ્રિયદર્શિની નાયકે એક અખબારી યાદી દ્વારા જણાવ્યું હતું.