ભરૂચ નજીક થી પસાર થતા રાષ્ટ્રીય ધોરીમાર્ગ પર આવેલ લુવારા પાટીયા પાસે અકસ્માતનો બનાવ બનતા એકનું મોત

ભરૂચ નજીક થી પસાર થતા રાષ્ટ્રીય ધોરીમાર્ગ પર આવેલ ભરૂચ તાલુકાના લુવારા ગામના પાટીયા પાસે બોલેરો જીપ અને ઇકો કાર વચ્ચે અકસ્માત સર્જાતા ઇકો કારમાં સવાર એક વ્યક્તિનુ મોત નિપજ્યુ હતુ.આ બનાવ ની વિગત જોતા બિલીમોરના કેટલાક વેપારીઓ ઇકો કારમાં પતંગ ખરીદવા નડિયાદ તરફ જઇ રહ્યા હતા ત્યારે લુવારા પાટીયા પાસે અજાણ્યા બોલેરો જીપ ગાડીના ચાલકે પુર ઝડપે વાહન હંકારી ઇકો કારને ટક્કર મારતા ઇકો કારમાં સવાર સુનિલ રમણભાઇ રાજપુત રહે.બિલીમોરાનું સ્થળ પર ગંભીર ઇજાના પગલે કરુણ મોત નિપજ્યુ હતુ.આ બનાવની તપાસ નબીપુર પોલીસ કરી રહી છે….