પોલીસ તંત્રના એ.એસ.આઈ લાંચ લેતા ઝડપાયા જાણો ક્યાં ?

સુરતના સલાબતપુરા પોલીસના એ.એસ.આઈ રૂ ૨૦૦૦૦ની લાંચલેતા રંગે હાથ ઝડપાયા હતા.જેના પગલે પોલીસ તંત્ર માં ખળભળાટ મચી ગયો હતો.આ બનાવની વિગત જોતા આ બનાવના ફરિયાદી અને જાગૃત નાગરિક સલાબતપુરા પોલીસ સ્ટેશનમાં જુગારના ગુનામાં વોન્ટેડ આરોપી હતા.જેથી પોલીસ સ્ટેશનના એ.એસ.આઈ અશોક મોતીરામ ચૌધરીએ ફરિયાદી પાસે પોલીસ મથકમાં હાજર કરવા ,તેમજ માર નહીં મારવાના અને પોલીસ મથકમાંજ જામીન કરાવવા રૂ ૨૦૦૦૦ ની લાંચની માંગણી કરી હતી. જે ફરિયાદી આપવા માંગતા ન હોય તેમણે લાંચ રુશવત વિરોધી શાખા નો સમ્પર્ક કરતા છટકું ગોઠવવામાં આવ્યું હતું જેમાં આરોપી લાંચ લેતા રંગે હાથ ઝડપાઇ ગયો હતો.