અંકલેશ્વર નેશનલ હાઈવે પર આવેલ ચટપટા હોટલ પાછળ પરણીતાના આપઘાત પ્રકરણમાં આપઘાત માટે દુષ્પ્રેરિત કરનાર આરોપી પતિની પોલીસે ધરપકડ કરી કાયદેસરની કાર્યવાહી હાથ ધરી…

દિનેશભાઇ અડવાણી

પ્રાપ્ત માહિતી અનુસાર મૂળ મધ્ય પ્રદેશની અને હાલ અંકલેશ્વર નેશનલ હાઈવે ઉપર આવેલ અન્સાર માર્કેટ સ્થિત ચટપટા હોટલ પાછળ નઈમભાઈ ભંગારીયાના ગોડાઉનમાં રહેતી ૨૦ વર્ષીય ભારતીબેન સુનિલભાઈ સાંઈએ ગત તારીખ-૨૪મી જુલાઈના રોજ ગળે ફાંસો ખાઈ આપઘાત કરી લીધો હતો આ મામલામાં મૃતક યુવતીના પિતાએ પતિ સુનીલ ભગવાન સાંઈ દારૂનો નશો કરી મારઝૂડ સાથે પરણીતાને ત્રાસ આપી આપઘાત કરવા માટે દુષ્પ્રેરિત કરી હોવાનો ગુનો નોંધાવ્યો હતો અંકલેશ્વર શહેર પોલીસે ફરિયાદી દિલીપભાઈ સેવારામ શાખની ફરિયાદ નોંધી ગણતરીના કલાકોમાં આરોપી પતિની ધરપકડ કરી કાયદેસરની કાર્યવાહી હાથ ધરી છે