અંકલેશ્વર તાલુકાના હજાત ગામની સીમમાંથી આવેલ ભરૂડી માતાજીના મંદિર નજીક જુગાર રમતા બે જુગારિયાઓને રૂરલ પોલીસે ઝડપી પાડ્યા હતા જયારે અન્ય બે જુગારિયા ફરાર થઇ ગયા હતા .

પ્રાપ્ત માહિતી અનુસાર અંકલેશ્વર તાલુકાના હજાત ગામની સીમમાંથી આવેલ ભરૂડી માતાજીના મંદિર નજીક બાવળિયાના ઝાડ પાસે કેટલાક ઈસમો જુગાર રમી રહ્યા છે જેવી બાતમીના આધારે અંકલેશ્વર રૂરલ પોલીસે દરોડો પાડતા જુગારીયાઓમાં નાસભાગ મચી જવા પામી હતી પોલીસે સ્થળ પરથી રોકડા ૧૪ હજાર અને બે મોબાઇલ ફોન તેમજ એક ફોર્ચ્યુંનર ગાડી મળી કુલ ૧૦.૨૧ લાખથી વધુના મુદ્દામાલ સાથે નવાગામના સતીષ ચંદુભાઈ વસાવા અને અંકલેશ્વરની રાધેપાર્કમાં રહેતા સમીર સતીશ ચોકસીને ઝડપી પાડ્યા હતા જયારે દશરથ ઉર્ફે દશુ બાબુભાઈ વસાવા અને વિનોદ જયેશ પટેલ બંને ફરાર થઇ ગયા હતા પોલીસે ગુનો નોંધી ફરાર જુગારીયાઓને ઝડપી પાડવાના ચક્રોગતિમાન કર્યા છે.