મોટર વ્હીકલ એક્ટ 2019 મુજબ સરકારે ગુજરાતમાં ૪૦૦થી ૯૦૦ ટકાના જંગી દંડ વધારાની જાહેરાત કરી છે, આ દંડ જાહેર કર્યા બાદ ગુજરાતની ભાજપ સરકાર વારંવાર એવું રટણ કરી રહી છે કે, સરકારને દંડની રકમમાં કોઈ રસ નથી, લોકોની સલામતી માટે કાયદો છે.

વાહન વ્યવહાર કમિશનરની કચેરી, ગાંધીનગરના આદેશ પ્રમાણે એપ્રિલ ૨૦૧૯માં નાણાંકીય વર્ષ ૨૦૧૯-૨૦ માટે ગુજરાતમાંથી ૫૧૦૦ કરોડ દંડ પેટે ઉઘરાવવાનો ટાર્ગેટ અપાયો છે. એકલા મહેસાણા જિલ્લાને ૧૩૮.૧૮ લાખનો ટાર્ગેટ અપાયો છે.
આ સંદર્ભેનો પત્ર બુધવારે સોશિયલ મીડિયામાં વાયરલ થતાં ૨.૪૦ લાખ કરોડનું જંગી દેવું ધરાવતી ગુજરાતની ભાજપ સરકારની નીતિ-નિયત અને બે મોઢાની વાતો ખુલ્લી પડી ગઈ છે.
ખોબે ને ખોબે મત આપી ને ચૂંટી લાવેલા ધારાસભ્યો નું સૂચક મૌન જનતા માટે અકળાવનારું છે ત્યારે પ્રજા એ સવિનય કાનૂન ભંગ ની લડત લડવા માટે સજ્જ થવું પડશે.
ભાજપ સરકારના અવિચારી પગલાં અને કાયદા ના કારણે મધ્યમવર્ગીય જનતા ને વધુ વેઠવું પડતું હોય છે પણ એ શું કરે એમણે જ હોંશે હોંશે મતો ના ઢગલા કરી સત્તા સ્થાને બેસાડ્યા છે.
જે પ્રજા નો રાજા વેપારી..તે પ્રજા ભીખ માંગતી જ થઈ જાય છે એવું ઘણા લોકો ના મુખે સાંભળ્યું છે તે સાબિત થઈ રહ્યું છે.