પાલેજ સામુહિક આરોગ્ય કેન્દ્ર ખાતે બાળ દિવસની ઉજવણી કરાઈ.

ભરુચ તાલુકાનાં પાલેજ ખાતે સામુહિક આરોગ્ય કેન્દ્રમાં સી.એમ.ટી.સી સેન્ટર દ્વારા બાળ દિવસની ઉજવણી કરવામાં આવી હતી જેમાં બાળકોને વિવિધ રમતો રમાડવામાં આવી હતી તેમજ ચિત્ર પૂરણ ડાન્સ તેમજ ગેમો રમાડી હતી.
દેશભરમાં ૧૪ નવેમ્બરના રોજ દેશના પ્રથમ વડાપ્રધાન એવા પંડિત જવાહરલાલ નહેરુના જન્મ દિવસને બાળ દિવસ તરીકે ઉજવાય છે. જેના પગલે પાલેજ સામુહિક આરોગ્ય કેન્દ્ર ખાતે પણ બાળ દિવસની ધામધૂમ પૂર્વક ઉજવણી કરવામાં આવી હતી અધિકારીઓ દ્વારા બાળકોને ગિફ્ટ વિતરણ કરવામાં આવ્યા હતા તેમજ બાળકી દ્વારા કેક કાપી બાળ દિવસની ઉજવણી કરવામાં આવી હતી. આ પ્રસંગે હોસ્પિટલના બાળકોને ફ્રુટ પણ વહેંચવામાં આવ્યા હતા.