સુરતમાં આગ લાગવાની વધુ એક ધટનામાં કીમ નવાપરામાં આવેલ સુમિલોન કેમીકલ ફેકટરીમાં ભીષણ આગ લાગતાં પાનોલી કામરેજનાં ફાયર ફાઇટરો આગ પર કાબુ લેવા દોડી ગયા હતા.

સુરતમાં આગ લાગવાની ધટનાઓ દિન પ્રતિદિન વધી રહી છે. જીલ્લામાં અનેક જગ્યાએ એક સપ્તાહમાં આગ લાગવાની 3 થી 4 ધટના ધટી છે ત્યારે આજે સુરત જીલ્લાનાં કીમ તાલુકાનાં નવાપરા ખાતે આવેલ સુમિલોન કેમીકલ ફેકટરીમાં રાત્રીનાં 3 કલાકે એકાએક અકસ્માતે આગ લાગી જતાં આગનાં ગોટે ગોટા ઉઠતાં કંપનીનાં પ્લાન્ટમાં કામ કરતાં કામદારોમાં ભાગદોડ મચી ગઈ હતી. કામદારો પ્લાન્ટની બહાર દોડી આવ્યા હતા. જોકે સુમિલોન કંપનીમાં આગે ભયંકર રૂપ ધારણ કરતાં અંકલેશ્વર,પાનોલી, કામરેજના ફાયર ફાઇટર મળી કુલ 8 જેટલાં ફાયર ફાઇટરોએ પાણીનો મારો ચલાવી આગને કાબુમાં લેવાનો પ્રયાસ કર્યો હતો.