અંકલેશ્વર પંથકમાં હજુ પણ બુટલેગર બિંદાશ કોઈકની રહેમ નજર હેઠળ દારૂનો ધંધો કરી રહ્યા છે. ત્યારે હવે બુટલેગરોએ હોમ ડિલિવરી શરૂ કર્યું હોય તેમ દારૂનું વેચાણ ગાડી ઉપર કરી રહ્યા છે ત્યાં અંકલેશ્વર તાલુકા પોલીસ મથકના પોલીસ કર્મચારીઓ પેટ્રોલિંગમાં હતા તે દરમિયાન પાકી બાતમી મળી હતી કે સેંગપુર ગામના નવી નગરીમાં રહેતો હિરેન મહેશ વસાવા સ્કૂટર ઉપર દારૂની ડિલિવરી આપવા જઈ રહ્યો છે. એવી પાકી બાતમીના આધારે સેંગપુર નજીક ભાથીજી મહારાજના મંદિરે જવાના રસ્તા ઉપર વોચ ગોઠવીને બેઠા હતા. તે દરમિયાન હિરેન વસાવા એક્ટીવા સ્કુટર લઇને આવતા સ્કૂટરની તપાસ કરતા ડીકીમાંથી વિદેશી દારૂની બોટલો મળી આવી હતી. તેમજ રોકડા રૂપિયા મળી આવ્યા હતા.
Advertisement
