સુરતના સરથાણા વિસ્તારમાં એક સોસાયટીના બંધ મકાનમાં તસ્કરોએ હાથફેરો કરી સોના-ચાંદીના દાગીનાની ચોરી કરતાં ખળભળાટ મચી જવા પામ્યો હતો. સુરતના સરથાણા વિસ્તારમાં આવેલી ગોવિંદ નગર સોસાયટીના એક બંધ મકાનને તસ્કરોએ નિશાન બનાવ્યું હતું. ઘરના સદસ્યો જયારે હોસ્પિટલમાં હતા તે દરમિયાન બંધ મકાનને તસ્કરોએ નિશાન બનાવી સોના-ચાંદીના દાગીના, રોકડ મળીને કુલ 126000 ની ચોરી કરી પલાયન થઈ ગયા હતા. જોકે તસ્કરોની સમગ્ર હરકત સીસીટીવી કેમેરામાં કેદ થઇ ગઇ હતી. બનાવ અંગે સરથાણા પોલીસ મથકમાં ચોરી અંગેની ફરિયાદ થતા પોલીસે સીસીટીવી ફૂટેજના આધારે તસ્કરોનું પગેરુ શોધી કાઢવાની કવાયત હાથ ધરી હતી.
Advertisement
