અંકલેશ્વર પોલીસ દ્વારા થર્ટી ફસ્ટ નિમિત્તે વાહન ચેકીંગ હાથ ધરાયું.

અંકલેશ્વર ખાતે નવા વર્ષની ઉજવણી માટે યુવાધન થનગની રહ્યું છે વિદાય લઈ રહેલા વર્ષના અંતિમ દિન એટલે કે થર્ટી ફસ્ટની ઘણા લોકો ઉજવણી કરતા હોય છે. વિવિધ પાર્ટી પ્લોટ અને હોટલોમાં ઉજવણી કરવામાં આવનાર છે. કાયદો વ્યવસ્થા જળવાય રહે તે માટે અને દારૂની રેલમછેલ અટકાવવા પોલીસ તંત્ર દ્વારા ખાસ એકશન પ્લાન તૈયાર કરવામાં આવ્યો છે ત્યારે આજરોજ અંકલેશ્વર જી.આઈ.ડી.સી.પોલીસ દ્વારા કાપોદ્રા પાટિયા પાસે વાહન ચેકિંગ હાથ ધરવામાં આવ્યું હતું પોલીસે તમામ વાહનોને ચેક કર્યા હતા.