ઝધડિયાના હરિપુરા વાંદરવેલી ગામની સીમમાંથી ભરૂચ એલ.સી.બી ની ટીમે એક લાખ ઉપરાંતનો વિદેશી દારૂનો જથ્થો ઝડપી પાડી ફરાર બુટલેગરને ઝડપી પાડવાની કવાયત હાથ ધરી છે. પોલીસ સૂત્રીય માહિતી મુજબ ભરૂચ એલ.સી.બી ની ટીમ ઝધડિયા વિસ્તારમાં પેટ્રોલિંગ દરમ્યાન મળેલી બાતમીના આધારે વાંદરવેલી હરિપુરા ગામની સીમ માં રેડ કરી વિદેશી દારૂનો જથ્થો ઝડપી પાડ્યો હતો. જોકે બુટલેગર સુરેશ રતિલાલ વસાવા ફરાર થઇ ગયો હતો. એલ.સી.બી પોલીસે સ્થળ પરથી 1,04,400 કિંમતના વિદેશી દારૂનો જથ્થો કબ્જે કરી ફરાર બુટલેગર વિરુદ્ધ ઝધડિયા પોલીસ મથકમાં ફરિયાદ નોંધાવી હતી પોલીસે ગુનો નોંધી સુરેશ વસાવાને ઝડપી પાડવાની કવાયત હાથ ધરી છે.
Advertisement
