ભરૂચનાં ધોળીકુઈ વિસ્તારમાં ગટરની કામગીરી દરમિયાન પાઇપ લાઈનમાં લીકેજ સર્જાતા વ્યાપક પ્રમાણમાં પાણીનો બગાડ થવા પામ્યો હતો.

ભરૂચનાં ધોળીકુઈ વિસ્તારમાં આજરોજ નગરપાલિકા દ્વારા ગટરની મરામતની કામગીરી દરમ્યાન જેસીબી મશીનથી અન્ડર ગ્રાઉન્ડ પસાર થતી પાણીની પાઇપ લાઈનમાં ભંગાણ સર્જાયું હતું જેને પગલે વ્યાપક પ્રમાણમાં પાણીનો વેડફાટ થયો હતો. જોકે બાદમાં નગર પાલિકાના સત્તાધીશોએ પાણીની પાઇપ લાઈનને ત્વરિત મરામત કરવામાં આવી હતી. જોકે આ ભંગાણની ધટનાને કારણે વાહન ચાલકો તેમજ રાહદારીઓને અવરજવરમાં ભારે હાલાકી સર્જાય હતી.