ભરૂચનાં દાંડિયા બજાર વિસ્તારમાં 3 બાઇકને રહસ્યમય રીતે આગ ચાંપી દેવાની ધટના પ્રકાશમાં આવી હતી.

ભરૂચનાં દાંડિયા બજાર વિસ્તારમાં આજરોજ સવારે ત્રણ જેટલી બાઈક સળગેલી હાલતમાં જોવા મળતા સ્થાનિકો અચંબિત જોવા મળ્યા હતા. કોઈક અજાણ્યા ઈસમોએ અગમ્ય કારણોસર આગ લગાડી હોવાનું અનુમાન લગાડવામાં આવી રહ્યું છે. બનાવ અંગે સ્થાનિકોએ એ ડિવિઝન પોલીસને જાણ કરતા પોલીસ ધટના સ્થળે દોડી આવી હતી અને બનાવની તપાસ હાથ ધરી હતી.